Əmək funksiyası

• Fakültədə təlim-tədris işlərinə rəhbərlik etmək; 
• Fakültənin tədris ilinə hazırlıq vəziyyətinə nəzarət etmək; 
• Fakültədə fəaliyyət göstərən professor-müəllim və tələbə heyətinin iştirakı ilə fakültənin hədəflərini müəyyənləşdirmək; 
• Tədrisin keyfiyyətinə nəzarəti təşkil etmək, kafedra müdirləri ilə birgə dərslərin dinlənilməsi və müzakirəsini həyata keçirmək; 
• Tədris intizamına nəzarəti təşkil etmək; 
• Müvafiq qaydalara uyğun olaraq Fakültə Elmi Şurasının iclaslarını təşkil etmək və ona rəhbərlik etmək; 
• Tədris ili üzrə akademik qrupların və birləşmələrin bölgüsünü təmin etmək; 
• Dərs (auditoriya və auditoriyadan kənar) və imtahan cədvəllərinin vaxtında və düzgün tərtib edilməsinə nəzarət etmək; 
• Fənn jurnallarının vaxtında və düzgün doldurulmasına, mütəmadi olaraq yoxlanılmasına nəzarət etmək; 
• Fakültədə tədris olunan fənlər üzrə kollokviumların müvafiq qaydalara uyğun olaraq keçirilməsinə nəzarət etmək; 
• Tələbələrin dərsə davamiyyətinə nəzarət etmək; 
• Tələbələri universitetdən xaric və universitetə bərpa edilməsi, müvafiq intizam tədbirinin tətbiq edilməsi ilə bağlı rektora təqdimatlar vermək; 
• Tələbələrin imtahanlarının gedişinə nəzarət etmək; 
• Tələbənin fərdi tədris planının, imtahan qiymət cədvəlinin, akademik transkriptlərin hazırlanmasına nəzarət etmək və onları təsdiq etmək (imzalamaq); 
• Aidiyyəti üzrə tələbələrin yekun dövlət attestasiyasına buraxılmasına dair təqdimatla rektora müraciət etmək; 
• Dekan müavini ilə birgə imtahan sessiyasının nəticələrinə dair hesabat hazırlamaq, müzakirədən keçirmək və təhlilini təşkil etmək; 
• Tələbələrin istehsalat və diplomqabağı təcrübəsinin gedişatına nəzarət etmək; 
• Aidiyyəti üzrə fakültə tələbələri, onların valideynləri ilə görüşün keçirilməsi, tələbələrin maarifləndirilməsini təmin etmək; 
• Tələbələrin problemlərinin obyektiv həllini təmin etmək, fakültədə tələbələrlə bağlı dekanlığın həll edə bilməyəcəyi problem yarandıqda bu barədə rəhbərlik qarşısında məsələ qaldırmaq; 
• Tələbələrin müqavilə öhdəliklərini vaxtında yerinə yetirilməsinə nəzarət etmək; 
• Tədris prosesinin proqram, dərslik, dərs vəsaitləri ilə təminatının yaxşılaşdırılması istiqamətində kafedralarla birgə iş aparmaq, tədrisin keyfiyyətinin artırılmasına dair rəhbərliyə təkliflər vermək; 
• Elm şöbəsi ilə əlaqəli şəkildə Tələbə Elmi Cəmiyyətinin fəaliyyətinə nəzarət etmək və layihələri koordinasiya etmək; 
• Yay semestrinin qanunvericiliyə və universitet daxili qaydalarına uyğun təşkilinə nəzarət etmək; 
• Fakültənin inkişafı ilə bağlı beynəlxalq təcrübəni araşdırmaq və bununla bağlı rəhbərliyə təkliflər vermək; 
• Dekanlıqda fəaliyyət göstərən işçilərin əmək, icra və xidmət intizamına nəzarət etmək, onlar arasında iş bölgüsü aparmaq, onların fəaliyyətini əlaqələndirmək, inkişafı üçün şərait yaratmaq; 
• Azərbaycan Respublikasının qüvvədə olan qanunvericiliyinə, universitetin Nizamnaməsinə, təsisçilərin Ümumi Yığıncağının və Elmi Şuranın qərarlarına, rektorun əmr və göstərişlərinə əməl etmək; 
• Öz səlahiyyətləri çərçivəsində rəhbərlik tərəfindən verilən digər tapşırıqları yerinə yetirmək. 

Bilməlidir

• Azərbaycan Respublikasının təhsil qanunvericiliyini; 
• Sosial-iqtisadi inkişaf tələblərinə uyğun bilik və bacarığa malik mütəxəssis yetişdirməsinə olan tələbləri; 
• Ali təhsil üzrə təsdiq edilən dövlət təhsil standartlarını və proqramlarını; 
• Tədris-tərbiyə sahəsində innovativ təcrübələri; 

Məsuliyyəti

• Mövcud hüquqi aktlar əsasında və öz vəzifə təlimatında nəzərdə tutulmuş əmək funksiyasının yerinə yetirmədiyinə görə; 
• Universitetin maraqlarının, universitetdə konfidensial hesab edilən məlumatların qorunmamasına görə; 

Hüquqları

• Fakültənin (dekanlığın) fəaliyyətinin təşkili ilə əlaqədar təkliflər vermək; 
• Öz vəzifələrini yerinə yetirmək üçün struktur bölmələrdən lazımi məlumatları (konfidensial hesab edilən məlumatlar istisna olmaqla) almaq; 
• Fakültəyə (dekanlığa) aid məsələlərin müzakirəsində iştirak etmək; 
• Əmək qanunvericiliyi ilə nəzərdə tutulmuş digər hüquqlara malik olmaq. 

Vəzifə tələbləri

• Dil bilikləri: Azərbaycan; rus və ingilis dili, 
• Sertifikatlar: İngilis dili səviyyəsini müəyyən edən beynəlxalq keyfiyyət sertifikatı. 
• 5 (beş) ildən az olmayaraq elmi-pedaqoji əmək stajı.
• Kompüter bilikləri: MS ofis proqramları 

• Bizi izləyin:
• 
• 
• 
• 
•